متابعة الصحفية /شيماء السنهورى
إلى السيد رئيس الجمهورية #عبدالفتاح_السيسي_ ومحافظ البحيرة_ ورئيس مجلس مدينة كفر الدوار_ ورئيس شركه مياه الشرب بالبحيرة . وإلى كل من تولي أمر هذا الشعب الغلبان وكل من يهمه مصلحه البلد وكل من ف قلبه #ذره_رحمه وعنده ضمير.. كلكم_راع_ومسؤول_عن_رعيته..
نحن أبناء قريه #كوم دفشو_كفر_الدوار_بحيره والقرى المجاوره نعاني بل أشد من المعاناه من إنقطاع المياه لأكثر من سنه ايوه سنه والله ف ظل ازمه كورونا والحر الشديد ونصائح الحكومة بغسيل الأيدي والتطهير المستمر طاب اديني عقلك إذا كان مفيش مياه نشرب ونتوضآ يبقى نغسل ونطهر إزاي ومفيش مياه أساساً.مع العلم ان قريه #كوم دفشو من اكبر القري التابعه لكفر الدوار من المساحه وعدد السكان
وبها جميع الخدمات من مدرسه ابتدائى واعدادي ومستوصف طبي وفرن عيش مدعم بس كل ده ملوهوش اي لازمه من غير #المياه والله العظيم ناس ياما تعبانه بسب الموضوع ده انا عايز اي #حد_مسؤل يطلع يرد يقولي نعيش إزاي من غير مياه ونشتغل إزاي
أنا عايز اعرف حاجه هما المواطنين ف الأرياف #درجه_تالته ولا ملهمش لازمه عند الحكومه والمسؤولين ولا ايه بالظبط...
احنا بنطالب بأقل حقوقنا ف الحياة #مياه
مش بنطلب شاليهات وكومباوندات وملاهي.....
#حرام_عليكم ارحمونا ارحمو من في الأرض يرحمكم من في السماء.
والمحطه الجديده اللي بقالهم اكتر من سنه وبيقولوا هتشتغل المفروض كانت تشتغل من سنه كل ده على حساب مين والتأخير ليه. ومفيش حد بيتحمل معاناه تعنت الموظفين والمسؤولين غير المواطن الغلبان. واعضاءمجلس #الشعب المحترمين اللي مش بنشفهم غير في الانتخابات هم فين من الموضوع ده
أنا عايز بس راجل يطلع يرد عليا #هل ممكن الوضع دا يحصل ف مكان عايش فيه حد مسؤل أو ف المدينه.. كانت الدنيا اتهدت.
#هل المسؤولين يقبلو الوضع دا على نفسهم وأبنائهم؟! اعتقد كلو عارف الاجابه...
#ارحمونا_وحسبي_الله_ونعم_الوكيل_ف_كل_مسؤول_تقاعس_عن_خدمة_الوطن....
إرسال تعليق